Os segredos de Microsoft – Microsoft Garage
Sempre buscando… e as veces atopamos o que precisamos.
Hai tempo buscabamos como poder traballar con dous ordenadores sen ter que estar cambiando de teclado e rato… “et voilà !” Daquela atopamos o proxecto de Microsoft Garage.
Sabedes que en FL Consultores somos amigos do software libre, pero sempre (por imperativo do mercado) temos que acabar traballando co sistema operativo de Microsoft… e entón atopamos que, as veces, fan as cousas ben. O Microsoft Garage é un proxecto de Microsoft Labs que permite ós empregados traballar en proxectos que moitas veces non teñen nada que ver co seu papel principal dentro da empresa.
E un deles que é moi interesante, serve precisamente para solucionar o uso dos teclados e dos ratos: “Mouse without Borders”. Está en inglés, pero o seu uso é tan simple que non imos ter problemas para configuralo. En FL Consultores levamos anos utilizándoo, solucionounos moitos problemas de hardware e facilita arrastrar documentos e datos entre máquinas. Iso si, só para equipos Windows dentro dunha rede.
Podedes achegarvos ó proxecto e descargalo da páxina oficial https://www.microsoft.com/en-us/download/details.aspx?id=35460 ou no enlace de descarga https://www.microsoft.com/en-us/download/confirmation.aspx?id=35460
