Archivo de la etiqueta: #Xunta

Secretaría Xeral para o Deporte – Regulamentos Licenzas Federativas Obrigatorios

Secretaría Xeral para o Deporte – Regulamentos Licenzas Federativas Obrigatorios

INSTRUCIÓN do 10 de febreiro de 2021, da Secretaría Xeral para o Deporte, para a remisión dos regulamentos de licenzas das federacións deportivas galegas. (DOG 18/02/2021)

O texto pódese descargar aquí.

Cando o 28 de xaneiro a Xunta de Galicia modificou a Lei do Deporte de 2012, xa se intuía que as modificacións eran ad hoc. Hoxe, coa publicación desta Instrución confirmamos as sospeitas e comezamos a ver que hai unha finalidade que a moitos se nos escapa.

Moitas das Federacións de deportes minoritarios ou non de masas, carecen dende a súa constitución, xa hai moitas décadas, de regulamentos de licenzas deportivas. E moito menos “por tempadas” deportivas… Isto é porque tales regulamentos, en xeral, son innecesarios.

Pero si que en federacións con estrutura máis profesionalizada, coma aqueles con adestradores, árbitros, fichas profesionais e fichas de deportistas afeccionados, etc., coma ximnasia, atletismo, fútbol, etc., si que existen estes regulamentos a niveis autonómicos e estatais.

A partir de xa, o resto das Federacións en Galicia, teñan necesidade ou non de ter uns “regulamentos de licenzas deportivas para a tempada 2021/2022”, van telos. E máis lles vale, pois están “requiridas” por Lei…

Subvencións Xunta para o desenvolvemento de actividades deportivas e para COVID-19.

2021 – RESOLUCIÓN do 30 de decembro de 2020, da Secretaría Xeral para o Deporte. Subvencións a clubs deportivos, sociedades anónimas deportivas e seccións deportivas para o desenvolvemento de actividades deportivas e para COVID-19.

Xa está publicada a norma das subvencións para ACTIVIDADE DEPORTIVA dende a Xunta de Galicia. Este ano inclúe a NOVIDADE dunha liña especial para gastos derivados das MEDIDAS DE SEGURIDADE E PREVENCIÓN pola COVID-19.

Esta convocatoria tamén ten un Anexo VIII que é unha novidade, destinado a seren realizado pola Federación Deportiva correspondente e pensado para as entidades que realicen a petición de axudas para os gastos da Covid-19.

En FL Consultores imos comezar coas tramitacións, polo que vos pedimos que contactedes con nós.

Se desexades ler a norma, podedes acceder a este enlace.

2021 Subvencións da Secretaría Xeral para o Deporte para a adquisición de equipamentos deportivos

2021 Subvencións da Secretaría Xeral para o Deporte para a adquisición de equipamentos deportivos

RESOLUCIÓN do 5 de xaneiro de 2021, da Secretaría Xeral para o Deporte, pola que se establecen as bases reguladoras para a  concesión, en réxime de concorrencia competitiva, de subvencións para a adquisición de equipamentos deportivos e se procede á súa convocatoria para o ano 2021 (código de procedemento PR949A).
Descargar pdf.

Xunta – Modelo de comunicación expedientes de regulación temporal de emprego por COVID-19

Xunta – Modelo de comunicación expedientes de regulación temporal de emprego por COVID-19

Consellería de Emprego e Igualdade

ORDE do 3 de febreiro de 2021 pola que se regula o procedemento e se aproba e se dá publicidade ao modelo de comunicación de cambios de situación nos expedientes de regulación temporal de emprego por forza maior de impedimentos ou limitacións da actividade como consecuencia das modulacións nas restricións sanitarias adoptadas polas autoridades competentes vinculadas ao COVID-19 (código de procedemento TR820V).
Descargar pdf

Cambios para o Deporte Federado – Covid-19

Cambios para o Deporte Federado – Covid-19

Onte martes 19, a Xunta de Galicia publicou un DOG especial onde recolle un novo Decreto e unha nova Orde con medidas máis restritivas para evitar a propagación do virus.

Merece especial importancia para as entidades deportivas a modificación do punto 6, onde indica que “Nas instalacións e centros deportivos poderase realizar actividade deportiva de forma individual, ou colectiva cun máximo de catro persoas, sexan ou non conviventes, excluído o monitor, sen contacto físico, e sempre que non se supere o cincuenta por cento da capacidade máxima permitida. Deberanse establecer as medidas necesarias para procurar a distancia de seguridade interpersoal durante o desenvolvemento da actividade.”

Máis datos do Decreto 5/2021 e da Orde, aquí nestes propios enlaces.

Anuncio de subvencións da Xunta

Anuncio de subvencións da Xunta de Galicia

A Xunta, mediante correos electrónicos, está publicitando nestes primeiros días de decembro de 2020 a próxima convocatoria de subvencións para entidades deportivas de 2021. Sen embargo, eles mesmos informan que non será antes de febreiro (coma mínimo 2 meses) cando publicarán a apertura de solicitudes.

Certo é que na propaganda informan que este ano haberá dúas liñas de actuacións: a de actividade deportiva ordinaria (como é habitual) e unha nova para implantar medidas de prevención Covid-19.

A máis prometen que haberá diversos períodos para xustificar os gastos e as puntuacións para valorar as axudas terán en conta datos previos á pandemia, para non penalizar aos clubs.

No momento de publicar esta nota aínda non hai nada sobre estas axudas na páxina oficial do Deporte Galego. Se precisan máis datos, contacten coa Subdirección Xeral de Plans e Programas no teléfono 881996360.

Cobros das Subvencións da Xunta de Galicia 2019-2020

Case a metade dos clientes de FL Consultores xa recibiron as subvencións por actividade deportiva do exercicio pasado da Xunta  de Galicia.

Debedes saber que a Secretaría non manda os pagamentos todos xuntos, polo que algúns clubs cobran antes que outros. Por iso vos pedimos paciencia para aqueles que aínda non a percibistes.

De todas formas, pregámosvos que en canto teñades constancia do ingreso, nos avisedes a FL Consultores. Se algún considera que están a tardar moito en pagarlles, tamén é importante que o notifiquedes para que poidamos interesarnos na situación do seu expediente. Grazas.

Curso escolar 2020-2021 Xunta de Galicia

Calendario escolar 2020/2021

Orde do 25 de xuño de 2020 pola que se aproba o calendario escolar para o curso 2020/21 nos centros docentes sostidos con fondos públicos na Comunidade Autónoma de Galicia.

Resolución do 1 de setembro de 2020 da Dirección Xeral de Educación, Formación Profesional e Innovación Educativa pola que se establece a incorporación gradual do alumnado para o curso 2020/21